Најдобриот македонски автомобилист Игор Стефановски-Иџе, кој победи на првата неделна трка во Имола, во рамките на Европскиот шампионат на кружни патеки (ETCC), не успеа да ја заврши втората трка.
Иџе, попладнево најпрвин победи на легендарната патека „Енцо и Дино Ферари“, а втората трка не ја заврши откако излета од патеката по контакт со еден од возачите.
Лига Нации: Се освен прво место ќе биде катастрофа за Македонија! ↓↓↓
По триумфот во првата трка, според правилата, Стефановски, втората трка ја стартуваше од осмата позиција, веднаш на стартот се искачи за една позиција, а во вториот круг во моментот кога се обиде да го мине Труфер, дојде до контакт помеѓу двете возила, поради што двајцата излетаа од патеката и ја завршија трката.
Инаку, Иџе првата трка во Имола ја стартуваше од четвртата позиција, но уште во првиот свиок успеа да мине две возила и да се позиционира на второто место зад првопласираниот Ришар, кој ја имаше пол позицијата.
Во петтиот круг, Иџе ја искористи грешката на Ришар ја презеде првата позиција и на крајот прв мина низ целта со пет секунди предност во однос на Швајцарецот и Пелинен.