Интер подготвува нов договор за Лаутаро, но агентот настојува да го однесе во Барса

Лаутаро Мартинез минатата сезона пристигна во Интер и потпиша петгодишен договор.

Првата сезона Аргентинецот не добиваше голема минутажа, но оваа сезона е прв избор кај Конте и блеска во дресот на репрезентацијата.

Поради тоа, „нероаѕурите“ се спремни да му понудат нов побогат договор, но исто така ќе биде зголемена и откупната клаузула која што моментално изнесува 110 милиони евра.

За Лаутаро интерес покажува Барселона, а неговиот агент јавно „флертува“ со Каталонците.

„Би било прекрасно доколку го видам еден ден да игра заедно со Лео Меси во Барселона“, изјави агентот на Лаутаро.