Интер ослабен: Лукаку го пропушта мечот со Барса

Напаѓачот на Интер, Ромелу Лукаку поради проблеми со мускул ќе го пропушти натпреварот со Барселона во Лигата на шампиони.

Белгискиот интернационалец не настапи на последниот дуел со Сампдорија, па иако се очекуваше да биде спремен за овој меч, сепак Конте не сакаше да ризикува и не го повика напаѓачот за Барселона.

„Лукаку не е со нас, тој има проблеми со мускулот, проблем со кој се соочува десетина дена, тој продолжи да ги чувствува болките иако медицинските тестови кои беа извршени над него беа негативни, сепак, не сакаме да ризикуваме“, изјави Конте.

Конте сака да го сочува Лукаку за големото дерби против Јувентус во Серија А кое се игра во недела, кога се очекува Белгиецот да заигра од првата минута.