Икарди на голема врата се враќа во Серија А

Италијанските медиуми тврдат дека голема е веројатноста Мауро Икарди да се врати во Серија А.

Томас Тухел не му даваше голема минутажа на Икарди и Аргентинецот не е задоволен од својот статус.

Многумина веруваа дека работите ќе се променат со доаѓањето на Покетино, но наводно новиот тренер нема да смета на Икарди и веќе му порачал дека може да си бара нов клуб.

Милан го гледа како идеален наследник на Златан Ибрахимовиќ и сака да го донесе на „Сан Сиро“.

Малдини веќе имал состанок со неговата сопруга и агент, Ванда Нара, кој исто така е отворена за враќање во Милано.

Аргентинецот може да пристиге на „Сан Сиро“ на позајмица за 10 милиони евра плус 40 милиони за откуп следната година.