„Играме за шпански трофеј во Саудиска Арабија, ова е само за пари“

Атлетик Билбао во четврток го чека полуфиналнот натпревар од шпанскиот Суперкуп.

Шпанскиот Суперкуп и оваа година се игра во Саудиска Арабија, а првиот полуфинален натпревар се игра утре кога се сретнуваат големите ривали Барселона и Реал Мадрид.

Екипите веќе допатуваа во Саудиска Арабија, но не се воодушевени што ова натпреварување се игра токму во оваа земја. Искусниот напаѓач на Атлетик Билбао, Раул Гарсија отворено ги критикуваше челниците на Ла Лига затоа што ова натпреварување се игра повторно надвор од Шпанија.

„За мене играњето на Суперкупот во Саудиска Арабија нема смисла. Ова е шпански трофеј, а ние за него се бориме во друга земја. Фудбалот се менува, повеќе не се размислува за навивачите, важно е само да заработите пари. Се забораваат основите на фудбалот, тоа е уживање во него со семејството“, изјави Гарсија.

Финалниот натпревар од шпанскиот Суперкуп се игра во недела со почеток од 18:00 часот.