Жозе Мурињо доби отказ, повеќе не е тренер на Рома

Жозе Мурињо повеќе не е тренер на Рома, потврди утринава италијанскиот тим.

„АС Рома може да потврди дека Жозе Мурињо и неговиот стручен штаб го напуштаат клубот. Би сакале да му се заблагодариме на Жозе за неговата страст и труд од неговото доаѓање во клубот.

Отсекогаш ќе имаме убави сеќавања за неговиот престој во Рома, но веруваме дека нагла промена е најдобра за интересите на клубот.

Му посакуваме на Жозе и на неговите помошници се најдобро во идните предизвици“, стои во клупското соопштение.

Мурињо во Рим пристигна во 2021 година и во меѓувреме успеа да го донесе првиот европски трофеј со освојување на Конференциската лига.

Сепак, оваа сезона не започна добро, а поразот од Милан во минатото коло го реши Португалецот.