Жељко Бувач седнува на клупата на германскиот гигант!?

Долгогодишната десна рака на Јирген Клоп, Жељко Бувач, наскоро би можел да го добие првиот самостоен тренерски ангажман.

Бувач, кој многумина го сметаат за еден од најодговорните за успесите на Клоп во Ливерпул, Мајнц и Дортмунд, неодамна доби понуда од Шалке.

Инаку, овој стручњак роден во БиХ соработуваше со Клоп уште од 2001. година, но претходната сезона одлучи да излезе од сенката на германскиот тренер и да се обиде да изгради свое тренерско име.

Ако им се верува на шпекулациите, понудата од Шалке е добра, па нема да биде чудо доколку Бувач седне на клупата на овој бундеслигаш.