Првото „Ел Класико“ оваа година е закажано за на 26-ти октомври и треба да се одигра на „Ноу Камп“. Меѓутоа овој натпревар е под голем знак прашалник.
Имено, управата на Ла Лига, но и комплетната власт во оваа земја се загрижени за овој натпревар поради напнатоста која владее во Каталонија поради одлуката на судот во Мадрид за затворски казни за организаторите на референдумот пред две години.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Најреална можност изгледа е „Ел Класико“ да се одложи, а дел од шпанските медиуми пишуваат дека тоа сценарио е избрано и дека натпреварот ќе биде преместен за на 18-ти декември. Официјална потврда нема за такво нешто.
Сега наводно се појавила и трета опција. Аргентинците пишуваат дека се понудиле во Буенос Аирес да го организираат најголемиот шпански натпревар.
Ќе потсетиме минатата година Суперкласико принудно се играше на „Бернабеу“, па сега Аргентинците сакаат да ја возвратат услугата. Инаку, Буенос Аирес од Барселона е одалечен 10.000 километри.
Учество во игри на среќа е дозволено за лица со 18+ години. Играј одговорно!