Елмас трет на листата играчи кои најмногу претрчаа викендов во Серија А

Maкедонскиот репрезентативец Елиф Елмас одигра солиден натпревар против Џенова, меч во кој главна ѕвезда Горан Пандев.

Пандев постигна два гола во натпреварот и донесе победа за Џенова (2:1). Елмас имаше неколку прилики, а најголемата ја пропушти во последните минути од натпреварот. Сепак, не може да се каже дека „дијамантот“ одигра лош натпревар.

Емас е помеѓу фудбалерите кои најмногу истрчаа овој викенд. Тој истрча 12.4 километри и пред него се само Марсело Брозовиќ со 13.3 и Милан Бадељ со 13.1.

Во последно време Елмас почна да добива почесто прилика кај Гатузо, а неодамна беше стрелец и во купот и во првенството, па се очекува и во следните натпревари да добива солидна минутажа.