Египќанецот е повеќе од човек: Салах со неговиот потег го расплаче детето на трибините

Ливерпул вчера пред своите навивачи полесно од очекуваното дојде до победа против Саутемптон од 3:0.

„Црвените“ на најдобар начин ја отворија сезоната и се уште на своето конто имаат максимален број на бодови. Во листата на стрелци се запиша и Мохамед Салах кој овие денови беше под голем притисок поради лошата реализација, но Египќанецот тоа вчера го прекина.

По натпреварот Салах уште еднаш ја покажа својата големина кога направи среќно едно дете на трибините. Додека одеше кон соблекувалната го виде транспарентот на кое детето напиша дека сон му е да го добие дресот од Салах.

Салах го виде транспарентот и одлучи да му го исполни сонот на овој млад навивач на Ливерпул. Кога му го даде дресот, детето плачеше од среќа, а подоцна на Твитер и неговиот татко призна дека пуштил солза. Египќанецот не запре тука, бидејќи исто така стави и срце во коментар на објавата на таткото на младиот навивач на „Црвените“.

@MoSalah I cannot thank you enough mo.. Brought my lad to tears (and me)…. These are moments in life that hold more value than i can explain.. A day my son Lewis will never forget @LFC pic.twitter.com/8h1h8z0ens

— Wayne dunlop (@BiggyAL1981) September 22, 2018