Дури 22% од навивачите во Примера се жени!

На Денот на жената шпанскиот весник „АС“ направи анализа на фудбалот и понежниот пол во Примера.

Имено, 22,2% од навивачите кои плаќаат чланарина во некој клуб (социос) се жени, покажа анализата на споменатиот медиум.

Гетафе располага со најголем процент на женска поддршка оваа сезона со цели 33,8%. На второ место е Валенсија со 29% жени, а на третото место е Барселона со точно 26% жени меѓу навивачите.

Европскиот шампион Реал Мадрид има 20,2% на женска поткрепа, а најголем пораст кај женските симпатии има Атлетико Мадрид кој во 2013 година имал само 19% женски навивачи, а сега има цели 25%.