Донесена одлука: Премиерлигата продолжува според календарот

Нема да има пауза во Премиерлигата поради зголемените случаи на Ковид 19, одлучија клубовите на денешниот состанок.

Челниците на сите 20 клубови од Премиерлигата денеска имаа состанок и донесоа одлука првенството да продолжи да се игра нормално и покрај многуте позитивни случаи меѓу играчите. 14 од 20 клуба гласаа сезоната да продолжи според предвидениот план.

Изминативе 10 дена беа одложени вкупно 10 натпревари во Премиерлигата поради многу позитивни случаи на ковид меѓу играчите.  Иако дел од менаџерот на клубовите побараа прекин на првенството, повеќето клубови биле против оваа идеја.

Премиер лигата воведе нови правила за навивачите кои 48 часа пред натпреварот мора да достават доказ дека се негативни на Ковид 19.