Донарума може да остане и да биде капитен на Милан

Иднината на Џиџо Донарума се уште е главна тема во италијанските медиуми, бидејќи договорот на голманот истекува на крајот на сезоната.

Преговорите помеѓу Милан и Раиола се „замрзнати“ бидејќи неговиот менаџер Мино Раиола смета дека понудата од 8 милиони евра по сезона е ниска.

Во последните денови се шпекулираше дека Донарума ќе ја продолжи кариерата во Јувентус, но сега работите се променија.

Приоритет на Донарума е да игра во Лигата на шампиони, а во моментов Милан е поблиску до ЛШ во споредба со Јувентус.

Италијанските медиуми тврдат дека Донарума сега е спремен да ја прифати понудата на „росонерите“, а клубот е спремен да му ја даде капитенската трака, која во моментов е во сопственост на Ромањоли.

Ромањоли го загуби местото во стартниот тим и може да биде продаден ова лето.