Ди Марија незапирлив кај Анже

Со головите на Анхел Ди Марија во 28. и 84. минута актуелниот шампион на Франција, Пари Сен Жермен синоќа забележа победа на гостувањето кај Анже.

Ова беше прв дуел од 33.коло на француската фудбалска Лига 1.

Шест дуели од оваа рунда на програмата се денеска. Од 17 часот играат Ница и Нанси, а три часа подоцна (20 часот) ќе започнат средбите: Рен – Лил, Генгамп – Тулуз, Мец – Каен и Монпеље – Лориен. Денешната програма ќе ја комплетираат лидерот на табелата Монако и Дижон со средбата која ќе започне од 21 часот.

Останатите три натпревари од ова 33.коло на програмата се утре, а двојките се: Нант – Бордо, Бастија – Олимпик Лион и Олимпик Марсеј – Сент Етиен.

Табела: Монако 74 бода, ПСЖ 74, Ница 70, Олимпик Лион 54, Бордо 49, Олимпик Марсеј 48