Легендарниот голман на Јувентус, Дино Ѕоф одлучи да го прокоментира враќањето на Леонардо Бонучи во Јувентус.
Бонучи се враќа во Јувентус после само една сезона откако одлучи да го напушти клубот. За негов нов клуб го избра Милан, каде и што ја доби капитенската лента, но не се задржа долго после една сезона одлучи да се врати назад каде и што прифати помала плата.
Дербија во Мадрид и Минхен: Последна шанса за Тен Хаг? ↓↓↓
Многумина ги изненадува одлуката на управата на „старата дама“ да го врати човекот кој кај поголемиот број од навивачите има статус на „предавник“.
„Враќањето на Бонучи навистина ме изненадува. Кога јас бев дел од Јувентус, ако еднаш одлучевте да заминете, сигурно немаше да имате втора шанса. Но, не сум јас тој кој одлучува. Управта на Јувентус до овој момент покажа дека си ја знае работата, па не треба да се сомневавме во нивните одлуки“, смета легендарниот Дино Ѕоф.
Пристигнувањето на Бонучи во Торино се очекува во текот на денешниот ден.