Дибиров: Вардар-Кјелце е ракометна класика

Ракометарите на Вардар утре го пречекуваат Кјелце во рамките на Лигата на шампиони.

Тимур Дибиров овој меч го нарече „ракометна класика“ и очекува тензичен и неизвесен натпревар.

„Натпреварите Вардар – Кјелце се ракометна класика. Секогаш се тензични, интересни, неизвесни. Очекувам така да биде и утрешниот. Полската екипа е една од најсилните и тешко е да се подготвиш за нив. Имаат одличен тренер и многу квалитетни играчи“.

„Ние ветуваме борба во текот на сите 60 минути. Верувам во нашата екипа. Без разлика со кого играме, на теренот излегуваме со самодоверба и желба за победа. Така ќе биде и на овој меч“, изјави Дибиров.

Натпреварот на програмата е утре од 18.45 часот во СЦ „Јане Сандански“ во Скопје.

Фото: РК Вардар