Дефанзивецот на Интер ја откри тајната за непобедливоста

Интер оваа сезона игра фантастично, па „нероаѕурите“ после 15 кола во Серија А се уште не знаат за пораз.

Моменално пред Интер на табелата е само Наполи со два бода предност, а Данило Дамброзио објасни зошто миланскиот гигант оваа сезона игра толку добро.

„За разлика од минатите сезони, со Спалети почнавме да ставаме фокус на психологијата. Ваквите резултати се плод на нашата психа. Сега и оние игачи кои не се првотимци на тренинзите даваат максимум, а со победите успеавме да го вратиме победничкиот менталитет“, открива Дамброзио.

„Вистина е дека нашиот тим е надпросечно висок и дека често играта ја базираме на физичката спремност. Се трудиме да бидеме што по агресивни и особено внимание обрнуваме на прекините. Секако од голема помош се и новите засилувања кои пристигнаа ова лето“, заклучи десниот бек.