Дерби на денот: Во која боја ќе биде обоен Ливерпул денес?

Ова е едно од најголемите и најстарите дерби натпревари во Англија. Битката за Ливерпул секогаш нуди интересни, неизвесни средби со многу борба, како на теренот, така и на трибините. Така ќе биде и овој пат, без разлика што Ливерпул има многу подобар, поквалитетен тим од гратскиот ривал.

Евертон одамна нема победено во битката за Ливерпул

Тимот на Клоп се наоѓа во извонредна форма во англиската Премиер Лига и досега има 10 победи и само три ремија. Сепак, во ова дерби Ливерпул ќе влезе по поразот од ПСЖ во Лигата на Шампиони од 2:1 во Париз. Евертон имаше одличен летен трансфер период и нивните засилувања полека но сигурно влегуваат во добар ритам. Сега оваа екипа има огромни амбиции сезонава. Тимот вложи доста пари во нови засилувања и како тие се привикнуваат но новиот тим, така Евертон оди нагоре на табелата па во моментов се наоѓа на одличното 6-то место. На меѓусебните мечеви на овие две екипи, сите овие информации се неважни и речиси секогаш пресудуваат нијанси. Сепак Евертон последната победа во меѓусебните дуели ја забележа пред речиси 9 години и таа негативна серија се очекува да биде продолжена.

Ливерпул е во одлична форма, но во овој дуел влегува по пораз

Ливерпул доживеа значителен удар во средината на неделата, загуби со 2:1 од ПСЖ, кој го става во прашање нивниот напредок во Лигата на шампионите. Тие ќе сакаат да се вратат на вистински пат со победа над соседите веќе овој викенд. За да нема никакви сомнежи за формата на Ливерпул, потенцираме дека тие заостануваат само два бода зад Манчестер Сити и се без пораз сезонава во лигата. Ова дерби традиционално е тешко за игра, но Ливерпул наиде на мали проблеми против Евертон во последниве години на Енфилд.

Клоп се враќа на победничката формација

Ќе биде интересно да се види како Клоп ќе реагира по поразот во Париз. Во Париз, Клоп отиде со систем од 4-3-3 кој потсетува на нивниот пристап од минатата сезона, но во Премиер лигата тие досега играа 4-2-3-1, со Мохамед Салах кој добиваше послободна улога, Роберто Фирмињо најистурен но со дефанзивни задачи во одбраната и Шаќири на десно крило, иако овие тројца постојано ги менуваат позициите низ текот на дуелите. Садио Мане на левата страна единствено е константен на својата позиција.

Поверојатно е дека сега Клоп ќе оди повторно со 4-2-3-1, што значи многу работа за двајцата играчи од средниот ред. Но токму во средината Хендерсон е суспендиран, па во последен момент ќе биде решено кој од Наби Кеита, Фабињо, Џејмс Милнер и Вијанлдум ќе стартуваат на двете позиции, при што последните двајца веројатно се фаворити за ова дерби.

Евертон мора да го промени својот стил за овој меч

Од друга страна, менаџерот на Евертон, Марко Силва има неколку прашалници околу својот состав. Дефанзивно, Јери Мина и Мајкл Кин сега се првото партнерство, со Симус Колман и Лукас Дин како лев и десен бек. Овие двајца одиграа посебно напаѓачки улоги оваа сезона, но сега ќе мора да играат подефанзивно, поради страв од оставање на простор за Салах и Мане. Андре Гомеш и Идриса Гуеје се комбинацијата која обезбедува одбранбена дисциплина и способност за освојување на топки во средината. Понатаму, Бернард и Тео Волкот имаат обезбедено контра-напаѓачка улога оваа сезона со својата брзина, додека Гилфи Сигурдссон е во добра форма и е особено опасен во однос на исполнувањето на своите задачи да ги разигрува овие двајца, па и напаѓачот.

Рикарлисон сега е прв избор на напаѓачката позиција, а против агресивната одбранбена линија на Ливерпул веројатно и тој ќе мора да се повлекува повеќе од вообичаено. Најголем проблем за Марко Силва ќе биде да ги запре противничките крила, а тоа дефинитивно ќе значи промена на стилот на игра, особено ако се знае дека Евертон сезонава во 80% од своите напади делуваше преку десниот и левиот бек.

Веројатни состави:

Ливерпул: Алисон, Арнолд, Гомез, Ван Дајк, Робертсон, Милнер, Вајналдум, Шаќири, Фирмињо, Мане, Салах.

Евертон: Пикфорд, Колеман, Кин, Мина, Дигне, Гомез, Гаје, Волкот, Сигурсон, Бернард, Ричарлисон.