Девојката на Дибала: Од каде ви е тоа дека Паоло е позитивен!?

Поголем број европски медиуми вчера објавија дека ѕвездата на Јувентус, Паоло Дибала повторно е позитивен на коронавирусот.

Меѓутоа неговата девојка, Ориана Сабатини ги демантираше тие наводи и тврди дека нејзиниот дечко не се ни тестирал, а не пак да биде позитивен.

„Паоло се уште не е тестиран. Мора да направи тестирање, па ќе видиме. Не знам од каде ви е таа информација? На сите ви соопштивме кога бевме позитивни и на сите ќе ви соопштиме и кога тестот ќе биде негативен. Мојот тест е негативен, ќе почекаме да видиме каков ќе биде на Паоло“.

Дибала е еден од тројцата фудбалери на Јувентус кои беа заразени со коронавирусот, претходно успешно се опоравија Даниеле Ругани и Блез Матуиди.