Дани Алвеш останува во затвор

Судот во Барселона ја одби жалбата на Дани Алвеш и одлучи Бразилецот да остане во истражен притвор без кауција до неговото судење.

Тој е обвинет за силување на 23-годишна девојка во еден од тоалетите на ноќен клуб во Барселона на 30 декември 2022 година.

Правниот тим на Дани Алвеш понудил неколку мерки како предавање на пасошот, носење на електронска нараквица за да биде што подалеку од жртвата, да плати било каква кауција, па дури и секој ден да се појавува на суд.

Сепак судијата смета дека Дани Алвеш е доволно економски моќен во секој момент да ја напушти Шпанија и ја одбил жалбата.

Алвеш е во истражниот затвор веќе еден месец. Доколку биде прогласен за виновен, се соочува со ефективна затворска казна од 4 до 12 години.