„Граѓаните“ спремија нов договор за својот „вундеркинд“

Манчестер Сити спреми нов договор за својата ѕвезда и еден од најдобрите млади фудбалери во светот, Габруел Жесус, пренесуваат англиските медиуми.

Габруел Жесус од доаѓањето во Манчестер Сити покажа дека е еден од најдобрите млади фудбалери во светот и веднаш се наметна како прв избор кај Пеп Гвардиола.

Бразилецот оваа сезона има постигнато 10 гола, осум во Премиер лигата и 2 во Лигата на шампиони, а одлични настапи има и за бразилската репрезентација.

Неговите одлични партии не помина незабележано, па раководството на Манчестер Сити спрема нов договор за младиот напаѓач.

Жесус со новиот договор ќе стане еден од најплатените млади фудбалери на светот и неделно ќе заработува 150.000 фунти.

Сегашниот договор му истекува 2021 година, а со новиот ќе ја продолжи верноста кон „граѓаните“ до 2023 година.