Готово: Мурињо договори напаѓач од 100 милиони!

Според англискиот весник „Сан“, Антоан Гризман се договорил со Манчестер јунајтед и од следната сезона ќе се пресели на Олд Трафорд.

Французинот беше прва трансфер цел на Мурињо, и по речиси една година конечно се реши сагата околу неговата иднина.

Медиумите тврдат дека „црвените ѓаволи“ за неговиот потпис ќе платат 100 милиони евра, а Гризман веќе договорил четиригодишна соработка и неделно ќе заработува 280.000 фунти.

Трансферот ќе биде официјализиран веднаш по завршувањето на сезоната, а комплетирањето на овој трансфер пред почетокот на преодниот рок, ќе му овозможи на Мурињо да се фокусира и на други засилувања.