ГОЛЕМО признание за Алиоски: Македонецот помеѓу ТОП 5 засилувања во Чемпионшип!

Македонскиот интернационалец, Езџан Алиоски кој ова лето направи трансфер во тимот на Лидс Јунајтед, доби и огромно признание од реномираниот светски медиум, „Скај Спорт“.

Имено, споменатиот медиуми го смести македонскиот фудбалер помеѓу најдобрите пет засилувања ова лето во Чемпионшип.

Од „Скај Спорт“ признаваат дека Алиоски за нив бил целосен анонимец, но по првите настапи го забележале талентот и потенцијалот кој како што истакнуваат е огромен. Го опишуваат како играч со фантастична енергија, одличен шут кој го покажа на последниот натпревар за неговиот нов клуб и додаваат дека Лидс можеби има вистински „дијамант“ во своите редови.

Освен Алиоски место помеѓу најдобрите пет засилувања добија: Јота (од Брентфорд во Бирмингем), Роберт Снодграс (Од Вест Хем во Астон Вила на позајмица), Том Лавринс (Од Лестер во Дерби Каути) и Рубен Невес (Од Порто во Волвс)

Алиоски во редовите на Лидс пристигна од Лугано. Во продолжение да се потсетиме на првенецот на Алиоски во дресот на Лидс.