Големото засилување на Наполи пристигна на прегледи

Шпанскиот играч за врска, Фабиан Руиз денес пристигна во Неапол, каде треба да ги помине лекарските прегледи и официјално да стане играч на Наполи.

Шпанецот пристигна во Италија заедно со семејството и се очекува наскоро официјално да стави потпис на договорот со Наполи.

22-годишниот Фабиан Руиз доаѓа по барање на тренерот Карло Анчелоти и ќе биде замена за Жоржињо, кој е пред трансфер во Манчестер Сити.

Наполи ќе ја плати откупната клаузула од неговиот договор со Бетис која изнесува 30 милиони евра.