Гвардиола се поклони пред Ливерпул

Тренерот на Манчестер Сити, Пеп Гвардиола изјави дека според него во моментов Ливерпул е најдобриот тим во светот.

Двата клуба водат голема битка за титулата во Премиер лигата, а на 3-ти јануари ќе ги одмерат силите во големо дерби на „Етихад“.

„Го имаме за ривал во моментов најдобриот тим во Европа и во светот. Знаеме дека ако загубиме ќе се збогуваме со трофејот. Не дека и тие нема да изгубат бодови до крајот, но нивната предност ќе биде недостижна. Мислам дека во таков случај трка за титулата ќе заврши“, изјави Гвардиола.

По 20 одиграни кола во Премиер лигата, Ливерпул е лидер со 54 бода, Манчестер сити е втор со 47.