Гвардиола: Од Кројф научив дека треба да уживаш во фудбалот

Манчестер Сити вечерва му гостува на ПСЖ во првиот меч од полуфиналето во Лигата на шампиони.

Трофејот во ЛШ е опсесија за „граѓаните“, но Гвардиола тврди дека научил да остане смирен и да ужива во фудбалот.

„Учам од Кројф. Кога ќе стигнете во оваа фаза, може да направите само едно, а тоа е да уживате во играта. Тоа е елита. Врвните фудбалери уживаат во овие ситуации зашто преземаат одговорност. Поради тоа најголемите победуваат на ова натпреварување“, изјави Пеп.

Гвардиола потоа призна дека имал несоница поради двете ѕвезди на ПСЖ.

„Мирно спиев додека не се сетив дека ги имаат Мбапе и Нејмар“, се пошегува Гвардиола.