Српскиот тенисер, Новак Ѓоковиќ, го предаде четвртфиналниот дуел на Вимблдон поради повреда на десната рака, додека Федерер беше сигурен против Раонич.
Дуелот помеѓу Ѓоковиќ и Бердих започна во 18 часот и пет минути, а после нешто повеќе од еден час игра Србинот му го препушти местото во полуфиналето на Бердих. Првиот сет донесе сигурна игра и кај двајцата тенисери, ниту Бердих, ниту Ѓоковиќ не загубија гејм на свој сервис, но Бердих на крајот успеа да го добие сетот со 7:6.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Сепак, веќе во вториот сет Ѓоковиќ попушти, Бердих на свој сервис поведе со 1:0 во гејмови, а веднаш потоа успеа да дојде и до брејк, после што Ѓоковиќ го предаде мечот.
11 тенисер во светот во полуфиналето ќе игра против Роже Федерер!
Швајцарецот уште еднаш покажа дека е во фантастична форма и го совлада Милош Раонич со 3:0 во сетови, 6:4, 6:2 и 7:6.
Учество во игри на среќа е дозволено за лица со 18+ години. Играј одговорно!