Видео: Јувентус испушти сигурна предност во Бергамо, Наполи сам на врвот

„Старата дама“ испушти сигурно водство од 2:0 на незгодното гостување во Бергамо и одигра реми 2:2 против Аталанта.

Ова е прв кикс на „бјанконерите“ од почетокот на сезоната, па сега Наполи е осамен на врвот на табелата бидејќи има максимален број на бодови после 7 кола.

Јувентус добро го започна натпреварот и дојде до водство преку Бернардески во 21-та минута, а само три минути подоцна Игуаин погоди за 2:0.

Иако во тие моменти се чинеше дека „бјанконерите“ ќе дојдат до нови три бода, нивиот играч Калдара, кој е на позајмица во Аталанта, намали на 2:1.

Во второто полувреме му беше поништен гол на Манџукиќ, а Кристанте го израмни резултатот на 2:2 во 67-та минута.