Видео: Ситуација за која најмногу се зборува – дали Барса беше отштетена против Јуве!

Јувентус во првиот меч од четвртфиналето во Лигата на шампиони победи со високи 3:0 против фаворизираната Барселона.

Пауло Дибала со два гола и Џорџо Киелини и донесоа на „старата дама“ голема предност пред реваншот на „Камп Ноу“. На Барселона сигурно ќе и биде тешко овој пат да има „исторска ноќ“ како против ПСЖ.

Судијата Шимон Марчињак синоќа одлично го судеше натпреварот, меѓутоа во второто полувреме се случи една сомнителна ситуација после која играчите на Барса бараа пенал. Имено, Киелини после еден шут на Нејмар играше со рака.

Поточно, топката прво го погоди во тело па потоа се одби во раката. Според фудбалските правила ова не е пенал бидејќи играчот не игра намерно со рака, ниту топката прво ја погоди раката што би значело удар од белата точка.

Од друга страна сведоци сме на многу случни ситуации каде судиите покажувале на белата точка, па сами проценете дали Барса беше оштетена или не!