Иако нивната земја е разрушена од војна, немаат свој дом и играат на неутрален терен, сепак фудбалерите на Сирија не престануваат да го воодушевуваат светот.
Имено, Сиријците денес ги оставија живи надежите за пласман на Светското првенство во Русија, откако во првиот меч од баражот одиграа 1:1 против Австралија.
До кога ќе дишеме отровен воздух!? | Уште еден поткаст
Австралијците во баражот од Азиската фудбалска конфедерација први дојдоа во водство со голот на Роби Крус во 40-та минута, но на само пет минути пред крајот на мечот, Омар ал Сома со гол од пенал ја зголеми надежта за Сиријците.
И покрај оваа доцна драма, „кенгурите“ може да се сметаат за среќни од резултатот бидејќи во последните 20 минути од мечот нивниот гол беше под опсада, посебно преку најдобриот играч на теренот, Фирас ал Хатиб.
Со овој резултат реваншот во Сиднеј ќе го даде патникот во уште еден бараж меч, со репрезентација од Северна Америка.
Учество во игри на среќа е дозволено за лица со 18+ години. Играј одговорно!