Видео: Рекорд на кариерата за Теодосиќ, 40 поени за Вилијамс, Џејмс до трипл-дабл

Изминатата вечер во НБА лигата беа одиграни десет натпревари.

Тимот на Милош Теодосиќ, Лос Анџелес Клиперси славеа над Мемфис со 109:100, а Теодосиќ го постигна рекордот на кариерата.

Србинот постигна 18 поени, запиша четири асистенции и еден скок за 27 минути поминати на паркетот. Најзаслужен за победата на гостите од „Градот на анѓелите“ беше неверојатниот Лу Влијамс со 40 поени, десет асистенции и четири украдени топки.

Се истакна и Блејк Грифин со  14 поени, осум украдени топки и пет асистенции, како и Деандре Џордан со еден поен и скок повеќе. Кај домаќините најефикасен беше Џарел Мартин со 17 поени и шест скокови, додека одличен беше и Марк Гасол со 13 поени, 12 скокови и десет асистенции.

Kливленд ја совлада Индијана со резултат 115:108. Џејмс во овој натпревар оствари трипл-дабл, осми оваа сезона. „Кралот“ имаше учинок од 26 поени, 11 асистенции и 10 скокови. Покрај него одличен беше Џеј Ар Смит со 23 поени, додека до дабл-дабл стигнаа уште Кевин Лав (10 поени, 13 скокови) и Тристан Томпсон (10 поени, 10 скокови).

Во редовите на Инидијана најефикасен повторно беше Виктор Оладипо кој забележа 25 поени, седум асистенции шест скокови, 19 поени додаде Колисон, а Хрватот Бојан Богдановиќ натпреварот го заврши со 10 поени.

НБА резулати:

Шарлот – Атланта 121:110

Кливленд – Индијана 115:108

Торонто – Јута 93:97

Чикаго – Лос Анџелес Лејкерси 103:108

Мемфис – Лос Аџелес Клиперси 100:109

Милвоки – Бруклин 116:91

Њу Орлеанс – Хјустон 115:113

Далас Маверкис – Портланд 93:107

Сан Антонио – Филаделфија 78:97

Феникс – Њу Јорк Никси 85:107