Видео: Ливерпул обоен во црвено!

Во првиот натпревар од 30. коло на англиската Премиер лига, екипата на Ливерпул го доби градското дерби со Евертон и оствари голема победа од 3:1.

По само 8 минути игра стигна првото вистинско возбудување на „Енфилд“. Кутињо го проигра Мане, кој по феноменална соло акција, донесе водство за Ливерпул. Гостите брзо се вратија во игра и со голот на Пинигтон во 28-та минута го израмнија резултатот.

Сепак, само три минути подоцна Кутињо повторно ги донесе во предност „црвените“, а во второто полувреме Ливерпул ја потврди победата преку Ориги и тоа само три минути откако влезе во игра на местото на Мане.