ВИДЕО: За голот на Левандовски во Дортмунд уште долго ќе се зборува

Вчера во рамките на 11. коло од германската Бундеслига Баерн Минхен со резултат од 3:1 ја совлада Борусија Дортмунд на гостински терен.

Подобри се разбира беа избраниците на Јуп Хејнкес, а во првото полувреме два прекрасни голови постигнаа Арјен Робен и Роберт Левандовски.

Во 37. минута беше виден детал кој ретко се гледа. Топка од крилото Левандовски прими од Кимич, а Полјакот со пета ја испрати топката до голот. Навистина, имаше помош од одбранбениот играч на домашната екипа, но тоа не ја намалува вредноста на прекрасниот гол.