Видео: Дабл-дабл на Леброн, Кливленд сигурно до финале на Истокот, Филаделфија не се предава

Изминатата вечер во НБА плеј-офот беа одиграни два натпревари.

Тимот на Кливленд се пласираше во финалето на источната конференција откако убедливо со 4:0 славеа во серијата против Торонто (128:93).

Кливленд уште во првата четвртина успеа да стигне до двоцифрена разлика, но Торонто имаше реакција. Рапторси успеаа и да поведат во првата половина од втората четвртина. Сепак потоа следуваше одговорот на Кавси кои постигнуваа поени преку Кајл Корвер, Кевин Лав и Леброн Џејмс.

Во второто полувреме Кливленд продолжи со одличната игра, а дополнителен проблем за Рапторси беше исклучувањето на Демар Дерожан.
Леброн Џејмс беше најефикасен со 29 поени, 11 асистенции и осум скокови, го следеше Лав со 23, Кај Корвер исто така беше одличен со 16 постигнати поени.

Кај Торонто најрасположен беше Валанчиунас со 18 постигнати поени.

Филаделфија успеа слави против Бостон со 103:92 и така да намали на 3:1 во серијата.

Дарио Шариќ беше најефикасниот играч на мечот со 25 поени, додека Џек Меконел постигна сопствен рекорд во плеј-офот со 19 поени. Џоел Ембид додаде 15 поени и 13 скокови, исто број на скокови и 19 поени имаше Бен Симонс.

Во редовите на Бостон Џејстон Татум уфрли 20, а Маркус Смарт 17.

Петтиот натпревар во серијата помеѓу Бостон и Филаделфија се игра во „Ти Ди Гарден“, ноќта помеѓу среда и четврток.