Баерн Минхен без поголеми проблеми славеше против Олимпијакос со 2:0 и обезбеди пласман во следната фаза. Јувентус во судиското продолжение дојде до три бода против Локомотив Москва.
Натпреварот во Москва започна возбудливо уште од самиот старт. Веќе во 3-та минута Роналдо изведе слободен удар од косо, голманот ја испушти топката од раце, а пред самата гол линија Рамзи ја „заби“ во голот.
Данска vs. Македонија: Како тие се справуваат со отпадот, додека ние се расправаме кој е крив?
Меѓутоа, веќе во 12-та минута домаќините го израмнија резултатот со голот на Миранчук. До полувремето Јувентус создаде неколку шанси, но не успеа да постигне гол.
И во вториот дел гостите беа поконкретни, а победата стигна во 93-та минута со голот на Даглас Коста после една фантастична акција.
Баерн Минхен со новиот тренер имаше неколку промени, во тимот се вратија Милер и Горецка, а Баварците ја оправдаа фаворитската улога.
Во првото полувреме мрежите мируваа, иако домаќините беа подобри на теренот. Предноста стигна дури во 67-та минута кога Левандовски погоди за 1:0, а конечните 2:0 ги постави Перишиќ во 89-та минута.
Учество во игри на среќа е дозволено за лица со 18+ години. Играј одговорно!