Веќе се знае кој ќе го наследи Анчелоти во Баерн!?

Спортскиот директор на Лајпциг, Ралф Рангник тврди дека го знае името на тренерот кој ќе го наследи Карло Анчелоти на клупата на Баерн Минхен.

Рангник тврди дека тоа ќе биде актуелниот тренер на Хофенхајм, Јулијан Негелсман, човекот кој со само 29 години прави чуда на клупата на бундеслигашот.

„Млад е, има харизма и е вистински професионалец. Знае се за фудбалот и се надевам дека токму тој ќе биде наследник на Анчелоти во Баерн“, изјави Рангник кој моментално е спортски директор во Лајпциг.

Токму Лајпциг викендов ќе се обиде да му го нанесе првиот овосезонски пораз на Негелсман и на неговиот Хофенхајм.

Негелсман минатата година стана најмладиот тренер во историјата на Бундеслигата. Го превзеде кормилото на Хофенхајм со само 28 години и откако минатата сезона осигура опстанок, оваа сезона прави чуда и сеуште е без пораз.