Вест Хем му ја исполни желбата на Чичарито – Мексиканецот се врати во Шпанија!

Речиси целиот трансфер период се зборуваше за заминувањето на Чичарито од Вест Хем.

Тој денеска ја исполни својата желба, го напушти Вест Хем и се пресели во екипата на Севиља. Севиља бараше искусен напаѓач, а го пронајде во овој одличен Мексиканец кој потпиша тригодишен договор со клубот.

Вест Хем од овој трансфер ќе заработи околу осум милиони евра, а постои можност да заработаат и уште милион евра поради одредени бонуси кои се вклучени во договорот. Тој во Вест Хем одигра 63 натпревари во кои постигна 17 гола и би требало да претставува големо засилување за Севиља.

Ова не е прв пат за него да настапува во Шпанија, бидејќи претходно настапуваше во дресот на Реал Мадрид.