Венгер не се предава: Ќе останам колку што е можно подолго

Менаџерот на Арсенал, Арсен Венгер, нема намера во блиска иднина да го напушти фудбалот.

Долгогодишниот менаџер на англискиот клуб во мај го продолжи договорот со „топџиите“, а по истекот на истиот ќе има 70 години, но тој и понатаму сака да остане дел од проектот кој некогаш го започнал.

„Можеби тоа е еден ден ќе се случи и ќе заминам од Арсенал, но секој ден во животот сакам да бидам дел од ова. Еден ден нема да бидам во физичка можност да го правам ова. Секако дека тоа ќе биде искушение, сакам секогаш да бидам дел од фудбалот, без разлика дали тоа ќе биде како директор, менаџер…Ќе останам колку што можам подолго, сигурен сум во тоа“, изјави Венгер.

Венгер Арсенал го превзема во 1996 година и до сега со овој клуб освои три титули во Премиер лигата, а последната во далечната 2004 година, потоа освои седум трофеи во ФА Купот и седум во Комјунити Шилд.