Валенсија доаѓа како „кец на десетка“: Овој клуб и тоа како „му лежи“ на Роналдо!

Кристиано Роналдо вечерва со тимот на Јувентус се враќа во Шпанија каде што во рамките од Лигата на шампионите ќе и гостуваат на Валенсија.

Португалецот до ова лето го носеше дресот на Реал Мадрид, а со „Месталја“ го врзуваат убави сеќавања. Роналдо ќе се обиде да ја продолжи голгетерска серија која ја започна минатиот викенд против Сасуоло кога постигна два погодоци.

Токму Валенсија е една од најдобрите прилики за поранешниот ас на Реал Мадрид, овој тим е една од омилените жртви на Португалецот.

Роналдо во својата кариера против Валенсија настапил на 18 натпревари и постигнал дури 15 погодоци.

Ќе потсетиме, головите против Сасуоло беа првите во дресот на Роналдо за Јувентус на еден официјален натпревар, па токму затоа Валеснија и неговото омилено натпреварување (Лигата на шампионите) доаѓаат во вистинско време.