Буфон: „Златната топка“ треба да ја освои Мбапе!

Легендарниот голман Џанлуиџи Буфон смета дека неговиот соиграч од Пари Сен Жермен, Килијан Мбапе заслужува да ја освои „Златната топка“ оваа година.

Мбапе беше еден од клучните фудбалери во освојувањето на светската титула со Франција, па е меѓу тројцата најголеми фаворити за престижната награда.

„Со оглед на неговите квалитети, тоа што го покажува на теренот и колку беше клучна неговата улога на Мундијалот, сметам дека Мбапе ја заслужува Златната топка“, истакна Буфон.

„Во Италија него го споредуваат со Баџо, Тоти и Дел Пјеро. Располага со исклучителен талент и техника, која ретко се гледа. Едноставно е феноменален. Ако продолжи да работи и да остане цврсто на земја може да биде најдобар во наредните неколку години“, заклучи легендарниот Италијанец.

Another legend has tipped Mbappe for the Ballon d'Or

Does he deserve it? ?https://t.co/u3kLzOunDw

— Goal (@goal) October 17, 2018