Борусија Дортмунд фаворит за потписот на Манџукиќ

Иднината на напаѓачот на Јувентус, Марио Манџукиќ се уште е нејасна, а медиумите тврдат дека сигурно ќе ја промени средината ова лето.

33-годишниот Манџукиќ неодамна го обнови договорот, но по доаѓањето на Маурисио Сари, најверојатно, нема да остане во тимот, бидејќи не одговара на стилот на новиот менаџер.

Се очекува Кристиано Роналдо да ја преземе улогата на централен напаѓач, а за Манџукиќ нема да има место во тимот и наводно Сари му порачал дека слободно може да си бара нов клуб.

Според „Тутоспорт“, Борусија Дортмунд е фаворит за хрватскиот фудбалер. Тој имаше успешен престој во Бундеслигата со Баерн Минхен па дури и ја освои Лигата на Шампионите. „Црно и жолтите“ бараат искусен стрелец, а Манџукиќ е токму таков.

„АС“, сепак, тврди дека Марио изненадувачки може да се врати во Атлетико Мадрид. Тој беше дел од тимот на „јорганџиите“ во сезоната 2014/15 и постигна неколку важни голови, но потоа се пресели во Јувентус и стана прилично важна фигура за „старата дама“.

Не е тајна дека Манџукиќ има примамливи понуди од САД и Кина, но неговата желба е да остане во Европа.

https://youtu.be/uf6hMfk8yM0