„Бомба“: Хамес се сели во Италија, но не во Наполи

Наполи беше на чекор до потписот на Хамес Родригез, но не може да постигне договор со Реал Мадрид, па Колумбиецот може да заврши во друг клуб.

Интерес за Хамес покажува и Атлетико Мадрид, но „кралевите“ не сакаат да му го продадат играчот на градскиот ривал и преферираат трансфер во друга лига.

Како што пренесуваат италијанските медиуми, агентот Жорге Мендеш му го понудил Колумбиецот на Милан.

„Росонерите“ преговараат со Мендеш околу трансферот на Анхел Кореја, па наводно започнале преговори и за Хамес Родригез. Тренерот на Милан сака во тимот плејмејкер кој ќе игра позади двајца напаѓачи, па Колумбиецит е идеален за таа позиција.

Милан е спремен да го продаде Сусо, Андре Силва и Патрик Кутроне за да ги финансира трансферите на Кореја и Хамес.