„Бомба“ од Апенините: Милан тргнува по Икарди

Мауро Икарди оваа сезона игра како позајмен фудбалер во ПСЖ, но веќе донел одлука да се врати во Италија.

Денешното издание на „Газета дело Спорт“ пишува дека Ванда ја соопштила одлуката на директорот на ПСЖ, Леонардо. Според нивните информации Икарди одлучил да не остане во Париз и сака да се врати во Италија.

Со оглед на фактот дека за Икарди повеќе нема место во Интер, ситуацијата внимателно ја следи Милан и сака да направи спектакуларен трансфер.

Милан е во потрага по напаѓач кој ќе го замени Златан Ибрахимовиќ и смета дека Икарди е вистински лидер и голгетер каков што му е потребен на „росонерите“.

Неговата сопруга и менаџер Ванда Нара сака да остане во Милано и тоа е „картата“ на која играат „росонерите“.

Проблем може да биде високата цена на Аргентинецот, но Интер преферира да го продаде напаѓачот  на Милан наместо на Јувентус.