БОМБА: Баерн преговара со Луис Енрике

Раководството на Баерн Минхен е во потрага по нов тренер, па се насочиле кон бившиот стратег на Барселона, Луис Енрике и наводно веќе стапиле во контакт со него.

Ова го тврди еминентниот шпански новинар, Хуанма Ромеро, кој работи во Германија како кореспондент за шпанските медиуми.

Пред неколку денови „Билд“ објави дека Баварците веќе постигнале договор со Томас Тухел, но информацијата се уште нема никаква потврда.

Луис Енрике на крајот на минатата сезона ја напушти Барселона и моментално е слободен, па на „Алијанц Арена“ сметаат дека ќе биде идеално решение за нивиот тим.

Германските медиуми тврдат дека Баерн паралелно преговара со двајцата тренери, но дел од раководството изразило сомнеж за кандидатурата на Томас Тухел.