Берлускони: Само капарот уплатен за Милан е поголем од сумата за цел Интер!

Синот на Силвио Берлускони, Пјер Силвио брутално одговори на критиките за одложувањето на продажбата на фудбалскиот клуб Милан.

Имено кинескиот конзорциум „Суно Јуроп“ веќе неколку месеци е во преговори за купување на Милан и уплати капар од 300 милиони евра во три транши, а конечното превземање на клубот е закажано за средината на април.

Кинезите требаше да ја комплетираат продажбата на 1-ви март, но таа се оддолжи и внесоја трета транша на капар од 100 милиони евра.

Тоа наиде на големи критики од медиумите и јавноста, особено поради фактот што компанијата „Сунинг“ за само два-три месеци преговори го купи Интер.

„Само капарот кој е платен за Милан ја надмина целата сума за која беше купен Интер“, брутално одговори Пјер Силвио Берлускони.

„Станува збор за зделка од скоро една милијарда евра и оваа временска рамка е нормална. Притоа Интер оваа сезона вложи 150 милиони евра во засилувања, а не гледам голема разлика на табелата меѓу ’нероаѕурите’ и Милан“, додаде синот на Берускони.

Копанијата „Сунинг“ за да превземе 70% од акциите на Интер плати 273 милиони евра, додека конзорциумот „Сино Јуроп“ за 100% од Милан ќе треба да плати 750 милиони евра, плус да го подмири долгот кој изнесува 220 милиони евра.