Бензема сезонава е вистински кошмар за англиските тимови

Карим Бензема го постигна решавачкиот гол против Манчестер Сити и така му помогна на Реал Мадрид да се пласира во финалето во кое „кралевите“ ќе играат против Ливерпул.

Французинот игра фантастична сезона и е најдобриот играч на „кралевите“. Според многумина токму тој е главниот кандидат за освојување на „Златната топка“. Меѓутоа  Ливерпул има и дополнителна причина да стравува од Бензема.

Сезонава Бензема постигна седум голови против англиските тимови, такво нешто не му успеало на никој друг. Треба да се спомене и дека Бензема на последните пет натпревари против Ливерпул во најелитното европско натпреварување има четири гола.