Бензема го напушта Реал по 10 години: Доби понуда која не може да ја одбие?

Францускиот напаѓач, Карим Бензема веројатно ќе го напушти Реал Мадрид по цели 10 години.

Овој 31-годишен фудбалер на „Сантијаго Бернабеу“ пристигна 2009. година од Лион во трансфер вреден 35 милиони евра и со „Кралевите“ освои се што можеше да се освои. Меѓутоа, Бензема речиси сигурно ќе биде еден од играчите кои ќе го напуштат клубот ова лето. Според пишувањата на шпанските медиуми, францускиот напаѓач веќе се договорил со новиот клуб, а тоа е ПСЖ.

Шампионот на Франција сака да го засили својот напад. На искусниот напаѓач му понудиле плата од 10 милиони евра по сезона и договор на четири години, што наводно тој и го прифатил. Така, Бензема најверојатно по десет години ќе го напушти Реал. Се разбира, ќе има добри сеќавања, бидејќи во Мадрид ги доживеаа најдобрите моменти од својата кариера.

Со Реал освои дури 17 трофеи во 10 години. За жал, ќе се збогува од клубот во многу тешка ситуација, бидејќи Реал оваа сезона остана без шанса да освои трофеј. Ќе биде интересно да се види како на трансферот во ПСЖ ќе реагираат навивачите на Лион. Тој е продукт на овој тим и сигурно дека во случај на евентуален трансфер во редовите на францускиот шампион, нема да биде омилен меѓу нив.

Бензема во дресот на Реал одигра 455 натпревари и постигна 212 гола.