Барселона се откажува од Адама Траоре

Барселона нема да го откупи договорот на Адама Траоре и нема да го задржи на „Камп Ноу“, пренесуваат каталонските медиуми.

26-годишниот фудбалер е сопственост на Вулверхемптон, а на „Камп Ноу“ пристигна на позајмица до крајот на сезоната.

Шпанецот одлично ја започна авантуарата на „Камп Ноу“, но во последно време го загуби местото во првиот тим. Во договорот Барселона има опација да го откупи на крајот на сезоната за 30 милиони евра.

Каталонците немаат намера да ја платат таа сума за да го задржат Траоре, па тој сигурно ќе се врати во Премиер лигата.

Ситуацијата внимателно ја следат Арсенал и Евертон кои го сакаат Траоре и се спремни да платат 30 милиони евра.