Барселона го известила Валверде за отказот

Бордот на директори на Барселона заседава денес попладне за жешката тема кој да го води каталонскиот тим до крајот на сезоната.

Според најеминентмните шпански медиуми раководството на Барселона веќе го известило Валверде дека ќе му биде врачен отказ и нема да го води тимот до крајот на сезоната.

Според извори блсики до клубот агентите на Валверде веќе преговараат со Барселона за предвремено прекинување на договор со одреден надоместок.

На „Камп Ноу“ сега се води состанок помеѓу шефовите за тоа кој да го води тимот до крајот на сезоната. Чави, Роналд Куман и Роберто Мартинез веднаш ја одбиле понудата бидејќи не се во можност сега да седнат на клупата.

Сега најсериозни кандидати да го преземат кормилото на Барселона се Маурисио Покетино и Макс Алегри, бидејќи двајцата се слободни и без ангажман, а се споменува и Кике Сетиен.

Valverde tiene empaquetadas sus pertenencias en la Ciutat Esportiva. Mañana debe despedirse de todos los que han sido sus ayudantes y jugadores. El final ya está escrito…

— moisESPN (@moillorens) January 13, 2020