Барса ја „краде“ поранешната ѕвезда на Реал – На „Камп Ноу“ пристигнува фудбалерот на ПСЖ

Барселона синоќа славеше против Бетис, но едно е сигурно: Нејмар ќе недостига во тимот од „Камп Ноу“.

Речиси сигурно беше дека ново име на Барселона ќе стане Филипе Кутињо од Ливерпул, но клубот од „Енфилд“ ја одби и последната понуда на Барселона од дури 125 милиони евра и јасни беа во ставот дека Бразилецот нема да го напушти Ливерпул оваа сезона.

Сепак, Кутињо и понатаму не се откажува од Барселона и силно сака да заигра за тимот од Каталонија. Но, како што денеска јавуваат шпанските медиуми, каталонскиот клуб сега има нова цел, а тоа е Анхел Ди Марија од ПСЖ.

„Mundo Deportivo“ пренесува дека управата на Барселона би можела да се сврти кон Аргентинецот и така да го надомести просторот кој остана празен по заминувањето на Нејмар.

Тешко е да се верува дека ПСЖ ќе го пушти Ди Марија, а и своевремено Аргентинецот беше член на најголемиот ривал на Барселона, но сведоци сме дека работите се менуваат преку ноќ, кога станува збор за понуди кои тешко можат да се одбијат.